2Cor 13 | TPZ | STEP | Kuru eß a vakön tëëm peöß pa nö nös manem peöm. O Puk pe Sosoenën to soe va non manih pan, “A poa teß, keß a kukön teß se keh soe tavus a ö nee to ep in ta pah teß to nonok non ta hat, a, ea to onöt e no pa vatotoopin a hat pamëh.”

bLo 19:15

2 Corinthians 13

A Napan Va Körin Se Ut Vavih Ne Po Vaman Pee

1 Kuru eß a vakön tëëm peöß pa nö nös manem peöm.
O Puk pe Sosoenën to soe va non manih pan,

“A poa teß, keß a kukön teß se keh soe tavus
a ö nee to ep in ta pah teß to nonok non ta hat,
a, ea to onöt e no pa vatotoopin a hat pamëh.” ^{▼▼E Pöl to vatvus a soe neß to kon taneß manih po Puk pe Sosoenën, suk eß to iu vamaaka non a napan varih to vaman ne e Ieesuß manih Körin, pan ee to kon vahik voh ee pa soe vaënpan. A kukön teß poë varih to teß ne koman a soe vaßih, to vatoe me e ne pa kukön vavih pe Pöl neß to nok marën a soe vaënpan a napan va Körin.
,} ^b
2 O vapöök tëëm nöß to teß vaßpeh me voh a noß neöm. Paröß soe vaënpan voh eoß pa napan varih to nonok voh ne a ma taateß hat. Ka kuru vaßih nöß to teß varo këh e noß nös peöm, paröß heß nös a soe vaënpan peöß manih po upöm teß kurus. Ko poen nöß se hah nös peöm, eöß to hikta onöt noß a ep akuk o teß varih to nonok ne a taateß hat pamëh. Eöß se pah vakmis tiroëß rakah eoß pee. 3 Eöm kehkeh nat vateeraß nem pan, e Ieesuß Kristo to vavaato ke non maß manih pa rivoneoß, keß a hik. Ka manih pa taateß pamëh, nöß to se nok köm nat vavih rakah paröm pënton vavih em pan, e Kristo hikta se vatö non pa vatotoopin a ma taateß hat peöm. Ahik. Eß se vataare rakah en peöm po kikis peß. 4 O pöh man rakah, moaan voh neß to hikta teß me non o kikis, kee vahan ee peß pa kuruse. Ivëhkëk, kuru vaßih neß to teß toßtoß ro non po kikis pe Sosoenën. Eß to teß man e non, pemöm to vatös me e nem pe Kristo, pamöm hikta teß me nem to kikis. Ivëhkëk, manih po kikis pe Sosoenën, nemöm se teß toßtoß e nem pe Kristo. Ivëh, nemöm se vatvus suk o kikis peß pamëh topnineöm.

5 Eöm se epep vavih pa ma taateß peöm, ko iniinan hah ëm, paröm ep pan, o vaman peöm teß eh e non, keß ahik? Eöm se nat vavih va nem manih pan, e Ieesuß Kristo to teß non manih pa ma komëneöm. Eß se keh hikta teß me a non neöm. A, a ma taateß peöm to vataare e ne peöm to hikta teß me nem to vaman manih peß. 6 Ivëhkëk, eöß to anoeh e noß pan, eöm se taum vamanih pan, emöm koman to nonok nem a kiu pe Kristo. 7 Emöm to hinhin nem na e Sosoenën, pan eß se vaßaus a neöm, köm nat nem nok ta hat. Emöm to hikta nonok nem o hin vëh, pan e Sosoenën se vataare a neöm vamanih pan, emöm o aposol vamaman. Ahik. Emöm to iu nem pan, eöm se nok varoe a taateß totoopin. Eß se keh teß va non nën, a napan to antoen e ne pa koman vamanih pan, emöm kuru o aposol vamaman, keß ahik. Eß a tah akuk ipamëh. 8 Ee to hikta onöt ne a nok ta pah tah to antoen non a vöknah a soe man. Ahik. Ea se kiu vakis varoe ko no pa vaßaus pa vatvus a soe man. 9 Emöm o sunë pamöm teß vaeö e nem, suk eöm to haraß vaeh e nem. Kemöm hinhin nem sih e Sosoenën, pan o vaman peöm a napan pe Kristo se tavus vatotoopin. 10 E Sunön to kon voh en peöß, pan eöß se matop i noß a kiu peß, pareß heß en peöß pa ma kikis kurus va pa nok a kiu pamëh. Eöß to teß varo këh e noß nös peöm, paröß kiun o kiun vaßih ko vanö ka nös neöm, suk ataeah, o poen nöß se nö nös peöm, eöß to hikta manin noß a soe ka neöm ta soe eh va pa vatotoopin a ma taateß peöm. E Sunön to heß vahik voh en peöß pa kiu vaßih, pan eöß se vakikis o vaman peöm, eß to hikta heß a neoß a kiu vaßih pan eöß se mimiröß a noß neöm. Ahik.

E Pöl To Soe Ataaton Ke Ra Napan Va Körin

11 Kën kea me ra kën vamen, eöß se soe ataaton keoß peöm, paröß nö eoß. Köm kiu vëhvaß pa vatotoopin o vaman peöm, paröm pënton nem a ma soe nöß to soe ka neöm. Eöm kurus se teß me nem o pöh kokoman, me o kokoman moomo. Kuru eöß to hinhin noß e Sosoenën, pan eß se teß tamoaan me a no neöm, pareß heß a neöm a taateß iu teß, me o kokoman moomo peß.

12 Manih pa taateß pea a napan pe Sosoenën, eöm papaeh se heß a soe vavihvih vivihan manih pa ma meh peöm. A nap vivihan pe Sosoenën to heß a nös neöm a potan avih pee.

13 Eöß to hinhin me noß pan, o heß vih pe Sunön pea e Ieesuß Kristo, me o ururuan pe Sosoenën, vaßpeh me a Tuvuh Vasioß se nok a neöm, köm teß vapöh kokoman nem.